«Марий йылмын эпитетше- влак» мутер лектын
Йошкар-Оласе ик типографийыште Марий йылмын эпитетше- влак мутерым 300 экземпляр дене савыктен лукмо, - увертара савыктышым чумырышо, шанчыеҥ Любовь Абукаева. Книга у шотан лексикографий пашалан шотлалтеш. Тудым марий йылмын калыкле корпусшо негызеш ыштыме. Мутерыш калык поэзий, тыглай йылме, авторын эпитетше- влак пурталтыныт. Савыктышлан марий калык муро, классик- влакын поэтический произведенийышт, тӱҥалше автор-влакын возымышт негызым ыштеныт. Составитель- влак радамыште Любовь Абукаева, Андрей Чемышев, Анжелика Митрусекова улыт. Мутерын электрон версийжымат муаш лиеш.
Андрей Чемышевын фотожо.
Андрей Чемышевын фотожо.