Самырык тукым священник дене вашлиеш

             Оршанке посёлкын храмыштыже самырык тукымын священник дене вашлиймашышт кажне шуматкечын эртаралтеш. Тудым храмын настоятельже, протоиерей Дмитрий Вылекжанин ямдыла. Йошкар-Ола епархийыште умылтарыме почеш икымше вашлиймашыште юмын закон- влакын кучылталтмышт, лишыл еҥым титаклаш лийдыме, родо-шочшо- влакым шарнаш кӱлмӧ нерген ойленыт. Кумылан- влак тылзын кеч-могай шуматкечынжат, пытартышыже деч посна, ушнен кертыт. А пытартыш шуматкечын «Таза илыш йӱла верч» клубын заседанийже погына.
Йошкар-Ола епархийын фотожо. МариМедиа.