Федераций Советыште Марий Эл деч представитель Сергей Мартынов паша визит дене Шернур районышто лийын
Сенатор Сергей Мартынов Шернур районлан кӱлешан проект- влакым шыҥдарымым палемден. Федераций Советыште Марий Эл деч представитель Сергей Мартынов паша визит дене Шернур районышто лийын. Район администрацийым вуйлатыше Александр Кугергин дене мутланыме годым парламентарий поснак пӱсын шогышо, тиде кундемлан ончыко каяш полшышо социал-экономик проект- влакым шыҥдарымым каҥашен. Район вуйлатыше палемден: тений Шернур портебушемлан 115 ий теммым палемдыме. Тиде системе пӱтынь районым авалта, райпон кевытше ятыр илемыште уло. Обществе шке сатужымат луктеш: сосусым, полуфабрикатым, котлет дене пельменьым, кондитер сатум, общепит сетьшат виян пашам ышта.
Сергей Мартынов тыгак ФОК-ым чоҥмо паша кузе кайыме нерген умылкален. Специалист-влак тудын акшым 203 миллион теҥгеш акленыт. Но тиде кодшо ийын мартыште лийын. Туддеч вара материалынат, чоҥымо пашанат акше шергештын. Парлементарий тиде йодыш деке пӧртылман да экономике министерстве дене иктешлыше цифре шотышто кутырен келшыман манын.
Шернурлан пӱсын шогышо вес теме- очистной сооружений- влакым уэмдымаш. Проект да смете документацийым ямдылыме, тудо кугыжаныш экспертизым эрта, апрель тӱналтышлан ямде лийшаш. Акше кугу- 900 миллион теҥге. Но йодыш кӱлешан. Тудо Шернур посёлкым тичмаш обслуживатла- тиде 8 тӱжемат 500 еҥ да тушто верланыше чыла предприятий. Тиддеч посна окса чӱдылыклан кӧра очистной- влак Марий Солаште, Калийыште петыралтыныт. Сандене тушечын йошкыным кызыт Шернурыш шупшыктат. Тидлан кӧра проектымат шапаш дене ямдылыме- суткаште тӱжемат 500 кубометрым эрыктен кертшым. Сенатор палемден: пӱтынь республике семынак Шернур районат, куштылго огыл жапыштат йодыш- влакым виктарен колташ уло куатшым кучылтеш.
Фото: МедиаПоток.
Сергей Мартынов тыгак ФОК-ым чоҥмо паша кузе кайыме нерген умылкален. Специалист-влак тудын акшым 203 миллион теҥгеш акленыт. Но тиде кодшо ийын мартыште лийын. Туддеч вара материалынат, чоҥымо пашанат акше шергештын. Парлементарий тиде йодыш деке пӧртылман да экономике министерстве дене иктешлыше цифре шотышто кутырен келшыман манын.
Шернурлан пӱсын шогышо вес теме- очистной сооружений- влакым уэмдымаш. Проект да смете документацийым ямдылыме, тудо кугыжаныш экспертизым эрта, апрель тӱналтышлан ямде лийшаш. Акше кугу- 900 миллион теҥге. Но йодыш кӱлешан. Тудо Шернур посёлкым тичмаш обслуживатла- тиде 8 тӱжемат 500 еҥ да тушто верланыше чыла предприятий. Тиддеч посна окса чӱдылыклан кӧра очистной- влак Марий Солаште, Калийыште петыралтыныт. Сандене тушечын йошкыным кызыт Шернурыш шупшыктат. Тидлан кӧра проектымат шапаш дене ямдылыме- суткаште тӱжемат 500 кубометрым эрыктен кертшым. Сенатор палемден: пӱтынь республике семынак Шернур районат, куштылго огыл жапыштат йодыш- влакым виктарен колташ уло куатшым кучылтеш.
Фото: МедиаПоток.