«Ашнаш налше еш, але йоча пӧрт олмеш Еш» социал фестиваль тӱҥалын

            Теҥгече республикыштына «Ашнаш налше еш, але йоча пӧрт олмеш Еш» социал фестиваль тӱҥалын. Мероприятийын цельже- ача-аван полышыж деч посна кодшо йоча- влакым ешыш вераҥдымашын кӱлешлыкшым ончыктымаш. Фестиваль кышкарыште 31-ше март марте кажне кечын могай- гынат мероприятий эрта. Мутлан, таче МарГУ-н студенткыже, тазалык шотышто начарын кушшо, ашнаш налме ешыште шуаралтше, но пеш уста ӱдыр Татьяна Полушина дене книгагудышто интервью эртен. Эрла 17 шагатлан «МаМалыш: играем и поём» педагог-психолог Татьяна Поздеева дене вияш эфир, 24-ше мартыште кажне муниципалитетыште ашнаш налше ешын  кечыже эртаралтеш. Моркышто «Весела йӱк» мут модыш дене еш турнир лиеш. Тиддеч посна 30-шо март марте «Еш кӧргыштӧ» видеоролик- влакын усталык конкурсышт, 24-ше март гыч 15-ше май марте Диана Машкован «Мемнан йочана- влак» книгаже почеш лудшо- влакын шонымашыштын конкурсшо эрта.
              Фото: "Единый Россий".