Кодшо каныш кечылаште 13 йӱшӧ водительым кучымо
Кодшо каныш кечылаште республикысе корнылаште 13 йӱшӧ водительым кучымо. Кугыжаныш автоинспекцийын пашаеҥже- влак корно правилым пудыртымо 570 фактым рашемденыт. Нунын коклаште руль воктеке шӱшӧ вуя шичше 13 еҥ логалын. Нунын кокла гыч ик гана веле огыл верештмылан кок еҥже уголовно мутым кучаш тӱналеш. Тыгак 31 йолешкым административно мут кучаш шогалтыме. Нунын кокла гыч 10 еҥже пычкемыш жапыште илем деч ӧрдыжтӧ корно дене ошкылмыжо годым машина тулым мӧҥгеш волталтарыше элемент деч посна лийын. 88 еҥым лӱдыкшыдымылык ӱштӧ деч посна кудалмылан штрафым тӱлыкташ ыштыме. Эртыше каныш кечылаште эмганымашан ДТП-м регистрироватлыме огыл.