Параньга районышто очистной сооружений- влакым олмыкташ тӱҥалыт

               Параньга районышто очистной сооружений- влакым олмыкташ тӱҥалыт. Тиде паша тений «Экологий» калыкле проект кышкарыште шукталтеш. Параньга районысо чыла зданий да пӧртла гыч йоген лекше кучылтмо вӱд кӱлеш семын обработкым ок эрте. Молан манаш гын, кызытсе очистной сооружений- влак тоштемыныт. Верысе администрацийын увертарымыже почеш тудым тений пужен ышташ тӱналыт. План почеш пашам кок ийлан палемдыме. Пужен ыштыме деч посна, суткаште 600 кубометр вӱдым эрыктыше мланде йымалсе у эрыктыше комплексым ышташ палемдыме.