Курык марий районышто кугу пожар лийын

             Курык марий районышто кугу пожар лийын: кок пӧрт, кум автомобиль да трактор йӱленыт. Якшарсир ялысе рӱдӧ уремыште теҥгече кечывалым тул пижын. Суртышто ныл кугыеҥ да кок йоча улмаш. Сурт оза шикш пушым шижмеке омсам почын да пӧртӧнчыл тувыраш йӱлымым ужын. Еш окна гыч уремыш лектын кертын. Пожарный- влак толын шумеш тул пӧртым тӱрысынек авалтен, писе мардежлан да чак шогымылан кӧра пошкудо пӧртат йӱлаш тӱналын. Тыге кок пӧрт ломыжыш савырнен, кум автомобиль, ик трактор йӱлен да эше кок оралте когарген. Пожарный- влак монча-вӱтам  арален коден кертыныт. Нунын мутышт почеш тулым йӧртышӧ- влакым вараш, 10 минут эртымеке гына, ӱжыктеныт. Амалжылан электровоштырын ситыдымашыжым шотлат.
              Фото: Марий Элысе МЧС виктем.