Россий Правительствын полшымыжо дене регион- влак санкций жапыште чоҥымо пашан темпшым арален кодаш шонат
Россий Правительствын полшымыжо дене регион- влак санкций жапыште чоҥымо пашан темпшым арален кодаш шонат. Марий Элым вуйлатыше Александр Евстифеев Правительство комиссий Президиум председательын алмаштышыже, чоҥымаш, илыме вер да коммунал озанлык министр Ирек Файзуллинын эртарыме совещанийыште лийын. Тушто инфраструктурым чоҥымо да тӱзландарыме пашам шукташ контрактым ыштыме да оксам ойырымо, тазалыкаралтышыште оксам кучылтмо йодыш- влакым каҥашыме.
Марий Элыште индивидуал программе кышкарыште кок объектым пужен ышталтеш. Тиде Волжск олаште Александровский вӱдзаборын икымше йыжыҥже да Звенигово олаште очистной сооружений. Иктыже 382, весыже 410 миллион теҥге акаш улыт. Инженер инфраструктурым чоҥымо шотышто тений Ураев бульвар умбакыже чоҥалтеш. Тенийлан 99 миллион теҥгеаш пашам шуктыман. Тыгак Волжск оласе эмлыме верын азам ыштыме пӧлкаже ышталтеш. Тиде пашалан 450 миллион теҥгем палемдыме, республикысе ветеринар лабораторийым проектироватлаш да чоҥаш 126 миллион теҥге кайышаш. Тыгак Йошкар-Олаште самотёчный коллектор да КНС-5 чоҥалтшаш, 92 кумдык тӱзландаралтшаш, тазалыкаралтышын первичный звеножым уэмдыме паша умбакыже шуйна. Инфраструктурный бюджет кредит кышкарыште проектлам илышыш шыҥдармые йодышымат ончымо. Тиде радам дене келшышын Медведево посёлкышто Сеҥымашлан 75 ий темме лӱмеш бульвар да Медведево ден Йошкар-Ола коклаште Черняков урем дене уэмдыме зонын икымше йыжыҥже чоҥалтшаш.
Фото: Марий Элым вуйлатышын организаций да аналитик виктемже.
Марий Элыште индивидуал программе кышкарыште кок объектым пужен ышталтеш. Тиде Волжск олаште Александровский вӱдзаборын икымше йыжыҥже да Звенигово олаште очистной сооружений. Иктыже 382, весыже 410 миллион теҥге акаш улыт. Инженер инфраструктурым чоҥымо шотышто тений Ураев бульвар умбакыже чоҥалтеш. Тенийлан 99 миллион теҥгеаш пашам шуктыман. Тыгак Волжск оласе эмлыме верын азам ыштыме пӧлкаже ышталтеш. Тиде пашалан 450 миллион теҥгем палемдыме, республикысе ветеринар лабораторийым проектироватлаш да чоҥаш 126 миллион теҥге кайышаш. Тыгак Йошкар-Олаште самотёчный коллектор да КНС-5 чоҥалтшаш, 92 кумдык тӱзландаралтшаш, тазалыкаралтышын первичный звеножым уэмдыме паша умбакыже шуйна. Инфраструктурный бюджет кредит кышкарыште проектлам илышыш шыҥдармые йодышымат ончымо. Тиде радам дене келшышын Медведево посёлкышто Сеҥымашлан 75 ий темме лӱмеш бульвар да Медведево ден Йошкар-Ола коклаште Черняков урем дене уэмдыме зонын икымше йыжыҥже чоҥалтшаш.
Фото: Марий Элым вуйлатышын организаций да аналитик виктемже.