Офислык кагазым вучалтена

              Пытартыш жапыште офислык кагаз шотышто йӧндымылык лектын ыле. Тудым кондымо паша арня жапыште тӧрланышаш маныт. Российысе офис кагазым лукшо- влак элысе кӱлешлыклан тӱрыс ситарен кертыт, арня жапыште йодыш кораҥдалтшаш- увертара Российын минпромторгшо. Южо чарымашым пуртымылан да импорт химикатым кондаш нелылык лекмылан кӧра ик эн кугу комбинатыште технологий процессым пужен ыштыме да лукташлан у решенийым мумо. Кызыт Российыште офис кагазым кум кугу предприятий луктеш. «Канцеляр компаний» ушемын учредительже Павел Лапшинын мутшо почеш лишыл жапыште кагаз дене йодыш кораҥдалтеш. «Святогорский» комбинат «СветоКопи» марке дене пашам ышта,- технологийжым тӱрыс вашталтен да кагазым лукташ тӱҥалеш, акше келшыше лийшаш, характеристкыжат тугаяк, лач тӱсшӧ чылт ошо огыл. Мемнан компаний тушечын кагазым вик налеш. Сандене Марий Элыш апрель тӱҥалтышыште, можыч изиш ондакырак, икымше партийым вучена, - каласен Лапшин.
Фото: https://pixabay.com/