Школлаште калыкле кочкышым темлат

           Школлаште калыкле кочкышым темлыме дене Татарстан ончылно кая. Школласе кочмывер- влак йотэл продукт деч 20 процентлан гына шогат. Школыш колтымо шуко кочкыш сатужо шкенан элыште ыштыме улыт. Йот элла гыч тӱҥ шотышто йӱдвел кундем- влак гына налыт. Тидыже тичмаш налмын 17 наре процентше лиеш. Пытартыш жапыште школ- влак шке столовыйыштышт верласе калыкле менюм темлат. Молан манаш гын стандарт дене келшышын шорык але пӱчӧ шылымат кучылташ лиеш. Калыкле кочкышым шыҥдарыме дене Башкирий, Татарстан, Ингушетий, Чечня, Краснодар край ончылно каят. Верласе кочкыш сатум школ менюшто кучылтмаш- тиде эше верысе сатум лукшо- влакланат полыш лиеш,- палемден Кугыжаныш Думын просвещений шотышто комитетшым вуйлатыше Ольга Казакова,- вес семынже санкций пайдале веле лиеш. Мутлан, чыла тунемшылан олмам пуаш, шке шотан кугыжаныш заказым ыштыман. А тиде олмам ончен куштышо- влаклан пакча гыч тӱналын талинга марте полышым пуаш йодеш.