«Йошкар-Ола театральный» фестивальыште тургымысо 11 премьерым ончыктат
«Йошкар-Ола театральный» фестивальыште тургымысо 11 премьерым ончыктат. Рӱдӧ олаштына теҥгече йӱлаш савырныше фестиваль почылтын. Тудо 22-шо гыч 27-ше март марте шуйна. Тиде тӱвыра событий театр пашаеҥ- влак ушемын марий пӧлкажлан 80 ий теммылан пӧлеклалтын. Фестивальым Марий самырык театрын «Йӱд орол» комедийже ден Эрик Сапаев лӱмеш театрын «Ош йӱксӧ» балетше почыныт. Таче Шкетан театрыште «Фолкс» спектакльым да Константинов лӱмеш Руш тетарыште «Леди Макбет Мценского уезда» драмым ончыктат. А эрла руш театрын сценышкыже Курык марий драма театр «Последняя жертва» трагикомедийым да Марий самырык театр «Мӱкшигын мурыжо» драмым луктыт. Фестиваль 27-ше мартыште Йыван Кырла лӱмеш калыкле театр премийым кучыктымаш дене мучашлалтеш.