Келшымаш пӧртыш вӱд пучым шупшыт

            Йошкар-Олаште калык-влакын келшымаш пӧртышкышт вӱд пучым шупшыт. Тушто чоҥымо паша чолган шукталтеш. Февральыште тушто «Водоканал» МУП пӧрт дечын рӱдӧ сеть марте канализаций пучым пыштен ыле. Кызыт ойпидыш дене келшышын, вӱд пуч чоҥалтеш. Тидлан кӧра олан рӱдыштыжӧ вӱд жаплан йӧрталтеш да Ленин проспектыште корнын ужашыже петыралтеш. Калыклан йӧнан лийже манын вӱд пучым йӱдым ушат. Адакшым пашам графикым ончылтен шуктат. Сандене паша кӱчык жапыште ышталтеш да транспортлан корно ончычырак почылтеш,- умылтара муниципал предприятий директорын алмаштышыже Александр Синяев.
           Йошкар-Ола администрацийын фотожо.