Марий Элым вуйлатыше Дмитрий Чернышенколан увертарен
Марий Элым вуйлатыше Александр Евстифеев Россий правительство председательын алмаштышыже Дмитрий Чернышенко ден полномочный представитель Игорь Комаровын эртарыме совещанийыште участвоватлен. Нуно Юл кундем округысо субъект- влакым социал- экономик велым вияҥдыме йодышым каҥашеныт. Правительство вуйлатышын алмаштышыже каласен: кажне регионышто вич виян проектым ямдылаш кӱлеш. Нуно регионлам социал-экономик велым вияҥдымаште кугу полышым ыштен кертше лийшаш улыт. Тидын нерген икымше ноябрь марте Правительство вуйлатышылан увертарыман. Марий Элым вуйлатыше тӱҥ инструменгт семын республикым вияҥдыме индивидуал программе нерген ойлен, куратор, чоҥымаш министр Ирек Файзуллинын толын, терген кайымыже нерген ушештарен. Марий Эл икмыняр докладыште сай велым палемдалтын манын каласыме.