Чодыра тулым эн сайын йӧртышӧ Йошкар-Олаште ила да пашам ышта

                         Марий Эл гыч пӧръеҥ «Российын эн сай чодыра пожарныйже» конкурсышто икымше верым сеҥен налын. Кодшо кечылаште Моско областьысе Софрино посёлкышто «Авиалесоохланын» тунемме да тренироватлалтме площадкыштыже Россий кӱкшытан 7-ше конкурсын федерал йыжыҥже эртен. Эн сай чодыра пожарный лӱм верч элысе кундемла гыч специализированный тӧнежлан 17 еҥышт кучедалын. Таҥасымаш кок йыжыҥан лийын: чодыра пожар чаракым сеҥымаш да куржталмашан спорт многоборье. Нунын лектышышт почеш сеҥышым рашемдыме. Конкурсышто «Авиалесоохранын» Приволжский авиапӧлкан пожарный-десантникше Василий Гаврилов сеҥышыш лектын. Российысе эн неле чодыра тулым йӧртышӧ Приволжский подразделений Йошкар-Олаште верланен. Василий Гаврилов лач тушто пашам ышта.