Транспорт да корно озанлык министр брифингым эртарен

                 Теҥгече республикын транспорт да корно озанлык министрже брифингым эртарен. «Качестван лӱдыкшыдымӧ корно» калыкле проект «Йӧнан да лӱдыкшыдымӧ илыме кумдык» целыш шуаш полша. Тудо 2024-ше ий мучаш марте кугу ола агломерацийлаште 85 процент деч шагал огыл корным норматив марте шукташ, регионласе корным 45 процент деч шагал огыл нормативыш шукташ виктаралтеш. Министр  Александр Герасименко палемден: чоҥымо тургым эше мучашлалтын огыл, но уло мо нерген ойлаш. Тений 244 меҥге кужыт шуйнышо 24 объектыште да 17 урем корнышто паша шукталтеш. Тачысе кечылан кок миллион квадрат метр кумдык асфальтым шарыме. Тидыже 93 процент лиеш. 41 тӱҥ объект гыч 20 объектыштыже паша мучашлалтын да эксплуатацийыш пуалтын. Йошкар-Олаште 2022-шо ийыште шуктышаш пашамат ышташ тӱҥалме. Тений олмыктышаш планым ыштыме годым кугу тӱткышым социал тӧнеж деке намийыше корно- влаклан ойырымо, турист маршрут- влакат ӧрдыжеш кодын огытыл. Корно шартышым ыштыме деч посна корно лӱдыкшыдымылык инфраструктурымат уэмден толыт: корно палым, разметкым, изи саварым вераҥдат. Шушаш ийлан эн шагалже 233 меҥге кужыт корным олмыкташ палемдыме.
               Фото: "Марий Элын корныжо- влак".

Прошлые выпуски