Кундемлам тӱшкан вияҥдымаш илаш йӧрыдымӧ пӧртла гыч калыкым кусарыме пашам писештараш йоным ышта
Кундемлам тӱшкан вияҥдымаш тошто да илаш йӧрыдымӧ пӧртла гыч калыкым кусарыме пашам писештараш йоным ышта. Йошкар-Оласе «Театральный» микрорайонын ужашыжым комплексно вияҥдаш ойпидышым кылдаш аукционым увертарыме. Тиде микрорайон Воин-Интернационалист- влак, Карл Либкнехт, Киров урем да Ленин проспект коклаште верланен. Тудын кумдыкшо 56 тӱжемат 700 утла квадрат метрыш погына. Ойпидышыш мо пура: аварийныйлан шотлымо ныл пӧртым кораҥдымаш да калыкым вес верыш кусарымаш, инженер коммуникацийым ыштымаш, Воин- Интернационалист- влак уремын Земнухов деч Карл Либнехт урем марте ужашыжым чоҥымаш. Кораҥдыме пӧрт- влак олмышто шуко пачашан пӧрт- влакым чоҥаш палемдыме.