У аэропортлан проект да смете документаций экспертизым эрта
Йошкар-Олан у аэропортшо шотышто проект да смете документаций экспертизым эрта. Интернетыште у пассажир терминал могай лийшаш шотышто видеоматериалым вераҥдыме. Проектым «ЛенАэроПроект» институтын специалистше- влак ыштеныт. Кызыт документаций кугыжаныш экспертизыште улеш. Объектым 2022-шо ийыште чоҥаш тӱҥалаш палемдыме. Аэровокзал комплекс шагатыште 400 пассажирым обслуживатлаш келыштаралтын. Самолётын чоҥештен толмо да волен шичме посна зоно- влак лийшаш улыт. Тыгак пурымаште тергыме вер, пассажир ден персоналын посна верышт, вучымо зал, багажым пуымо вер да молат лийыт. Ончыкыжым аэровокзалым тӱҥямбал да чартерный рейсланат кучылташ келыштараш лиеш.