Александр Евстифеев республикысе антитеррорист комиссий ден Оперативный штабын заседанийыштым пырля эртарен

                  Республикысе топливно- энергетик комплексын объектше- влакын терроризм ваштареш аралалтмыштым тергыме. Марий Элым вуйлатыше Александр Евстифеев республикысе антитеррорист комиссий ден Оперативный штабын заседанийыштым пырля эртарен. Погынышо- влак топливно-энергетик комплексын терроризм деч аралалтмыштым да нуным уэмдыме, йӱклымашлан ямдылалтме да тудым эртарыме годым лӱдыкшыдымылыкым ыштыме йодышым каҥашеныт. Палемдыме: республикыште топливно-энергетик комплексын 34 объектше верланен. Нунын кокла гыч 33-шо лӱдыкшӧ шотышто ӱлыш категориян, иктыже кыдалаш категориян семын палемдалтын. Йӱклымӧ жаплан Рӱдӧ сайлыме комиссий, Республикын правительствыже, ФСБ виктем, Росгвардий виктем, министерство да верысе самоуправлений орган- влак коклаште вашкылым ыштыме. Задачым шындыме, вий дес средствым палемдыме. Александр Евстифеев сайлыме участке- влакым пеҥгыдын эскераш, видеоэскерыме системым терген лекташ, инструктажым эртараш кӱштен.

Прошлые выпуски