Зосим Лаврентьевым шарныме лӱмеш ончер почылтеш

             Республикыштына Зосим Лаврентьевым шарныме лӱмеш ончер почылтеш. Калыкле сӱрет галерейыште 16-шо сентябрьыште 15 шагатлан лач ик ий ончыч илыш дене чеверласыше сӱретче Зосим Лаврентевын выставкыже почылтеш. Российын калык сӱретчыже 1933-шо ий 6-шо апрельыште Курык марий районысо Эсансолаште шочын. Тудо «Пачемыш» журналын художественный редакторжо лийын, марий книга савыктышын 147 книгажым сӧрастарен, йоча книга да учебник- влак дене пашам ыштен, «Азбука» ден «Букварьын» серийыштым ямдылен. Экспозицийыш тӱссымыктыш тоштерын фондшо гыч да ешыжын погымо, тӱрлӧ ийлаште ыштыме живопись пашаже- влак пуреныт.