Российын Первенствыштыже Марий Элын командыже ший медальым сеҥен налын

                   Российын Первенствыштыже Марий Элын командыже ший медальым сеҥен налын. Юниор- влак коклаште «вич гана визыт мини-футбол» дене Российын Первенствыштыже Марий Элын сборный командыже кокымшо верыш лектын. Марий Элыш начар ужшо- влакын спортышт дене Россий кӱкшытан таҥасымашке элысе куд кундем гыч команде- влак толыныт ыле. Ик арня мучко Краснодар, Моско, Дагестан да Марий Эл гыч начар ужшо спортсмен- влак сеҥышыш лекшаш верч кучедалыныт. Тыге икымше верым Москон спортсменже- влак налыныт, кокымшышто Марий Элын, кумшышто Дагестанын командыже улыт. Турнирын лектышыже почеш мемнан Владислав Макаров эн сай вратарь семын, Моско гыч Андрей Куклин эн сай нападающий, Дагестан гыч Камиль Мамедов эн сай полузащитник семын палемдалтыныт.
                   Спортлан ямдылыме рудерын фотожо.