«Российын патриотшо» конкурсым иктешлыме

Марий Элыште «Российын патриотшо» конкурсым иктешлыме. Патриотизм шӱлышеш шуарыме темым электрон да савыктыме тӱшка увер средствыште эн сайын почын пуымылан «Российын патриотшо» регионысо конкурс иктешлалтын. Оргкомитетын пунчалже почеш мемнан «Марий Эл» ГТРК-ан вӱдышыжӧ да редакторжо Людмила Федорован пашаже, тыгак «Марий Эл», «Морко мланде», «Заря», «Шернур вел» газетлан да МЭТР телеканалын журналистше- влак палемдалтыныт.