Республикыштына утларак ямде улмо режимым 25-ше октябрь марте шуйымо

               Республикыштына утларак ямде улмо режимым 25-ше октябрь марте шуйымо. Коронавирус шотышто эпидемиологий ситуаций ончычсо семынак тургыжландарыше кодеш. Тидлан кӧра Республикым вуйлатышын Указше почерш режимым умбакыже кужемдыме. У документыште южо чарымаш- влак аралалт кодыныт. Мутлан, шуко калыкым поген  тӱшка мероприятийлам эртараш ок лий. Еҥ- влак тыгак маскым чиен, дистанцийым эскерен коштшаш улыт. Южо чарымашым корандыме: ужалкалыме да каныме рӱдер ден комплекслаште тӱшкан кочмо вер- влак уэш пашам ышташ тӱҥалыт, ужалкалыме да каныме верлашке ийготыш шудымо- влак ача-авашт деч посна миен кертыт, ужалкалыме рӱдерлаште йоча модмо пӧлем, йоча- влакын каныме рӱдерышт, Вай-фай дене яра пайдаланыме вер- влак уэш пашам ыштат.