Ковид ваштареш ыштыме вакцинаций черланыше еҥлан черым куштылгын сеҥаш полша
Ковид ваштареш ыштыме вакцинаций черланыше еҥлан черым куштылгын сеҥаш полша. Вакцинацийын кокымшо йыжыҥжым эртыме деч вара черланыше- влакын чотышт ик тичмашат 2 луаш процентыш шуэш, а эмлыме верыш пыштыме еҥ- влак 0 тичмашат 4 луаш процентыш погынат. Прививкым эртыше- влак кокла гыч иктат реанимацийыш логалын огыл, чер куштылгын эрта. Тидын нерген Марий Элым вуйлатышын эртарыме совещанийыште тазалыкаралтыш министр Марина Панькова ойлен. Погынышо- влак коронавирус инфекцийым шижтарыме мероприятий- влакым эртарыме нерген ойленыт. Молан манаш гын, мемнан дене кужу жап ятыр черланыше рашемдалтеш да ӱмыр лугыч лийше- влакын чотыштат кугу. Пытартыш арняште показатель изиш иземын гынат, тиде мемнам ок куандаре,- каласен республикым вуйлатыше. Туныктышо- влак коклаште вакцинаций кузе кайыме нерген ойлымо. Туныктышо- влак кызыт чолган прививкым ыштыктат, 80 процент нарыш шуэш. Йоча- влак грипп ваштареш прививкым ыштыктат гын, тунемме идалык очный формат дене эрташ тӱҥалеш,- палемдыме совещанийыште. Йотэл студент- влакымат вакцинацийыш ушымо нерген мутланыме. Тиде пашам вузлан вуйлатышышт виктарен колтышаш улыт, манын палемдыме.