Кугу Ачамланде сар жапысе кредалмаш- влакым ыштен ончыктымо историй фестиваль лиеш
Марий Элыште Кугу Ачамланде сар жапысе кредалмаш- влакым ыштен ончыктымо историй фестиваль лиеш. Кызыт «Эртыме жапын кышаже дене: Юл чек» фестивальлан ямдылалтмаш уло куатын кая. Тӱҥалтышым «Воскресение» кычалше студент отряд ыштен. Сарын тӱҥалтыш ийлаштыже мемнан республикат тушманым чактараш ямдылалтын. Ӱдырамаш, йоча, шоҥгыеҥ- влак шкеныштым чаманыде, Курык марий районысо Озёрка ял воктене окопым кӱнченыт. Тиде татым 26-шо сентябрьыште «Воскресение» отрядын боецше- влак тудо кундемыштак ыштен ончыктат. Кызыт студент- влак юл воктелсе аралалтме линийым шотыш кондат, блиндажым чоҥат, миномёт да пулемётым верандыме верлам ямдылат. Тушто 1945-ше ийыште лукмо сар-куралымат ужаш лиеш. Реконструкцийыш чыла- кумылан- влак ушнен кертыт.