Волжск олаште сар жапысе боеприпас- влакым верештме

               Волжск олаште Кугу Ачамланде сар жапысе боеприпас- влакым верештме. Нуным верысе пӧръеҥ мланде пашам ыштымыж годым муын. Росгвардийын ОМОН-жын взрывотехникше- влак нуным терген лектыныт. Тидын нерген уверым налмеке верышке разминирований группын сотрудникше- влак вигак кудал миеныт. Тиде- зенитный, противотанковый да танковый пушкылан кок артиллерий снаряд лийын. Нуным ӧрдыжкӧ наҥгаен пудештарыме. Росгвардий виктем кокытеланымашым лукшо ӱзгар нерген шке жапыштыже увертарымлан таум каласен да ушештара: тыгай саркуралым верештмеке, шкалан нимат ышташ, тӱкалаш, тарваташ ок лий, вигак правам аралыше органыш йыҥгыртыман.
                Марий Элысе Росгвардий виктемын фотожо.