«Пушкин карте» йодмаш дене пайдалана
Республикыштына «Пушкин карте» дене кок тӱжем билетым ужалыме. Эн шуко билетым Эрик Сапаев лӱмеш опера да балет Кугыжаныш академический театр ужален. Программе тӱҥалмеке, тудын спектакльже- влакым тӱжем утла ӱдыр-рвезе ончен. Тидын нерген тӱвыра министерстве увертара. Тиде программыш республикыштына чылаже ныл тӱжемат 830 еҥ ушнен. Эн шукыжо Йошкар-Ола, Медведево да Звенигово районла гыч улыт. «Пушкин карте» 15 тӱвыра тӧнежын репертуаржым ушен шога. Нунын коклаште куд театр, филармоний, калык усталык рӱдер да шым тоштер улыт.
