Куженер район «газ эстафетым» налын

                Куженер район «газ эстафетым» вашлийын: эше кум ялыш канде тул толын. Районышто Шӱдымарий, Агытансола да Пургак ялыште посёлко кӧргысӧ распределительный газ пуч- влакым чоҥен пытарыме. Тудын кужытшо 9 меҥгыш шуын. Тыге, 176 пӧртым газ деке ушаш йӧн лектын. Школым газ дене ырыкташ тӱналме, фельдер-акушер пунктым ушаш проект ямдылалтеш. Газым торжественно чӱктымаш Шӱдымарий ялыште эртен. Тиде церемонийыште Республикым вуйлатыше Александр Евстифеев участвоватлен. Идалык мучаш марте Аҥанур, Визым, Руш Шой да Йӱледӱр яллашке газпучым чоҥен шуктышаш улыт. Тудын кужытшо 19 меҥге утла лиеш. Тудыжо 417 пӧртыш газым конда.