Марий Элыште сайлымаш тӱҥалын
Марий Элыште депутат- влакым сайлымаш тӱҥалын. Таче 8 шагат эр гыч Россий Кугыжаныш Думын 8-ше созыв депутатше- влакым сайлымаш тарванен. Тыгак 17-ше гыч 19-ше сентябрь марте республикысе калык Марий Эл Кугыжаныш Погын 7-ше созывысо, Оршанкысе ик мандатан 35-ше номеран сайлыме округышто депутат- влакым ешарен сайлымаште участвоватлат. Йошкар-Оласе калык Набережный ик мандатан 7-ше сайлыме округ да Нововзаречный ик мандатан 11-ше округышто Ола округ депутат- влак погынымашын депутатыштым сайла. Сайлыше- влаклан шке омсажым 521 сайлыме участке почын. Йӱклымо спискыш 534 тӱжемат 397 еҥым пуртымо.
Республикым вуйлатыше йӱклымашке ик эн ончыч толын. Александр Евстифеев Йошкар-Оласе 15-ше номеран сайлыме участкыш пелашыже Юлия Леонидовна дене пырля миен. Тудо пурымаштак санитар- эпидемиологий нормым кузе шуктымым аклен, чыла калыклан поро кумылым тыланен. Таче Сай кумылын Тӱнямбал кечыже палемдалтеш манын тудо. Сандене тудо элысе калыклан, поснак Марий Элыште илыше- влаклан лачеш толшо кече. Таче йӱклымӧ кече. Тудо федерал, регион, муниципал кӱкшытлаштат эрта, мемнан кумылнам нӧлта. Молан манаш гын, ме Россий Федераций, Марий Эл, икшывына- влакын пиалан ончыкылыкышт верч йӱклена, - каласен Александр Евстифеев.
Республикым вуйлатыше йӱклымашке ик эн ончыч толын. Александр Евстифеев Йошкар-Оласе 15-ше номеран сайлыме участкыш пелашыже Юлия Леонидовна дене пырля миен. Тудо пурымаштак санитар- эпидемиологий нормым кузе шуктымым аклен, чыла калыклан поро кумылым тыланен. Таче Сай кумылын Тӱнямбал кечыже палемдалтеш манын тудо. Сандене тудо элысе калыклан, поснак Марий Элыште илыше- влаклан лачеш толшо кече. Таче йӱклымӧ кече. Тудо федерал, регион, муниципал кӱкшытлаштат эрта, мемнан кумылнам нӧлта. Молан манаш гын, ме Россий Федераций, Марий Эл, икшывына- влакын пиалан ончыкылыкышт верч йӱклена, - каласен Александр Евстифеев.
