Йӱлышӧ чодырам уэмдаш кӱлеш

                  Йӱлышӧ чодыра олмышто 23-шо сентябрьыште 30 тӱжем тыгыде пӱнчым шындат. «Ужар Россий» экологий субботник кышкарыште Медведево районысо Куяр лесниечтве кундемыште, тений чодыра йӱлымӧ верыште пушеҥгым шындаш тӱҥалыт. Нуным 9 гектар утла кумдыкеш вераҥдат,- увертара пӱртӱс поянлык минстерстве. Акцийышке кажне кумылан еҥ ушнен кертеш. Тидлан пӱртӱс поянлык министерствыш 42-16-58 номеран телефон дене йыҥгырташ кӱлеш. Пытартыш кечылаште тиде икымше акций огыл. Кодшо арнян лу гектареш 30 тӱжем пӱнчӧ озымым шындыме ыле.
                     Фото: "МариМедиа".