Школышто тунемше- влаклан смартфоным модын налаш темлат

                   Школышто тунемше- влаклан шке кундемышт нерген каласкалаш да смартфоным модын налаш темлат. Видеооткрытке дене вашла вашталтыме шотышто Россий кӱкшытан «Ончо, тиде Россий» конкурс тӱҥалын. Тиде проект Российын йӱлаже- влак нерген шукырак пален налаш, тӱрлӧ кундемлаште йолташ- влакым муаш полша. Тушко икымше гыч 11-ше класс марте тунемше- 6 гыч 18 ияш марте еҥ- влак ушнен кертыт. Регистраций 15-ше сентябрьыште тӱҥалын. Видеооткрыткыште легенде, миф, преданий, калык йомак але регионысо фольклор персонаж лийын кертыт. Кузе ушныман? Вич еҥан командым чумырыман, конкурсын «Луук итс Раша. Ру» сайтыштыже регистрацийым ыштыман, мастер-класслам эртыман, видеооткрыткым войзен, сайтыш вераҥдыман да йӱклымашке ушныман. Участник- влак верч йӱклымаш 25-ше ноябрь гыч 9-ше декабрь марте эрта. Сеҥыше- влаклан смартфоным да моло пӧлекым налын ямдылыме, - увертара республикысе спорт-туризм министерстве.