Чодыра пашаеҥ- влакым чапландареныт
Теҥгече чодыра пашаеҥ- влак шке профессионал кечыштым палемденыт. Марий Элым вуйлатыше лесник, пожарный, джипер да доброволец- влаклан наградым кучыктен. Конгресс- влак полатыште чодыра да чодырам перерабатыватлыше промыштенностьышто тыршыше пашаеҥ- влакым саламлыме торжественный мероприятий эртен. Республикым вуйлатыше Александр Евстифеев палемден: кеҥежын пытартыш кечылаже кугу тергымашыш савырненыт. Чот шокшо шогышо игече ятыр кундемыште да Марий Элыштат чодыра пожарым тарватен. Тудо кажне деч чытымашым да профессионализмым йодын. Республикысе Правительствын, МЧС-ын, Оборона министерствын, Пӱртус поянлык министерстве, граждан оборона комитетын еҥышт, утарыше, волонтёр да доброволец- влак дене пырля тиде тергымашым сайын эртыме. Поснак тудо доброволец- влакын полышыштым кӱкшын аклен. Тулым йӧрташ правительство 23 миллион утла теҥге оксам ойырен. Александр Евстифеев чылалан таум каласен да сулен налме наградым кучыктен. «Марий Элын сулло лесоводшо» чап лӱмым Озакъял участковый лесничествын лесничийже Сергей Калининлан, Пӱртӱс поянлык министерствын Звенигово районысо кугурак кугыжаныш инспекторжо Александр Прокопьевлан кучыктымо. «Марий Эл ончылно надырлан» орденын медальжым Куяр гыч лесничий Виктор Воронков, Юлтехын опытный лесхозшын трактористше Алексей Попов, «Чодырам виктарыме Кечывалвел район- влак кокласе виктемын вуйлатышыже Алексей Цыганок налыныт. Тыгак икмыняр еҥ Правительствын чап грамотыж дене палемдалтын. Джипер- влак клубын еҥже Андрей Белоусловлан, доброволец Максим Винокуровлан, нылымше пожар- утарыше частьын кугурак пожарныйже Артур Садовинлан, водитель Игорь Смирновлан республикым вуйлатышын тауштымашыжым увертарыме.
