Йошкар-Оласе Машиностроитель уремым ондакырак ыштен шуктымо

              Йошкар-Оласе Машиностроитель уремым палемдыме жап деч 13 тылзылан ондакырак ыштен шуктымо. Олмыктымо пашам республикым вуйлатыше Александр Евстифеев аклен лектын. Корнын Черняков деч Строитель урем марте, Строитель деч Йошкар Армий урем марте ужашыжым олмыктымо. Кужытшо ныл меҥгат 300 метрыш шуын, акше 150 миллион наре теҥге лийын. Правительствын ик составшат 321 меҥге кужыт корным норматив марте шуктен огыл. Тений 125 меҥге кужытым ме ешарен ыштенна гын, вес ийлан 149 меҥгым , 2023-шо ийлан 150 меҥгым ышташ шонена. Корным чоҥымаште ончыкыжымат тыгаяк лектыш дене тыршаш тӱҥалына манын ӱшаным каласен. Тыгак ешарен: подрядчик- влакым каласышна да саламлышна, корно чоҥымо комплексым ыштыше да кучышо еҥ- влакымат палемдаш кӱлеш. Тиде- Александр Сальников, Александр Карташов да Александр Герасименко,- палемден тудо.