Марий Эл деч сенатор Константин Косачев паша дене Волжск олаш миен

             Кодшо кечылаште Марий Эл деч сенатор, Федерацй Советым вуйлатышын алмаштышыже Константин Косачев паша дене Волжск олаш миен. Тудо кум кугу предприятийыште лийын. Нунын коклагыч иктыже- «Волжскысо электромеханичсекий завод» акционер ушем. Уна- влак коклаште республикын промышленность министрже Станислав Крылов ден тудын алмаштышыже Игорь Макаров лийыныт. Предприятийын генеральный йдиректоржо Евгений Баутин завод дене палдарен, лукмо сатум ончыктен. Завод Юж да сандалык оборонын «Алмаз-Антей» концерн» акционер ушемыш пурен. Тидыже вияҥаш йӧным ыштен. Константин Косачёвын мутшо почеш заводын продукцийже йодмаш дене пайдалана. Тыгак тудо республикым вуйлатыше- влак да федерал рӱдерын кылышт, Марий Элын инвестиций шотышто келшыше улмыжо, социал проект- влакым шыҥдарыме, самырык тукымлан полшымо, тудлан тунемаш да ончыкылыкыштлан йӧным ыштыме нерген ойлен. Тидыже республикым вияҥдаш сай негыз лиеш манын.
              Фотом "Волжская правда" газетын сайтше гыч налме.