Кум кече шуйнышо сайлымаш мучашлалте

              Теҥгече Российысе Федерал собранийын Кугыжаныш Думыжын депутатше- влакым сайлымаш мучашлалте. Марий Элысе участковый сайлыме комиссий- влак Кугыжаныш Думын депутатше- влакым сайлыме 100 процент протоколым обрабатыватленыт. Кызытсе жаплан одномандатник- влак коклаште ончылно 50 процент утла йӱк дене Сергей Казанков кая. Кокымшо верыште Владимр Кожанов- латшым процент утла йӱкым поген. Кумшо верыште Наталия Глущенко 8 наре процент, Иван Казанков 7 процент лишке йӱкым погеныт. Партийный списке почеш  КПРФ ончылно - йӱкшӧ 36 процент утла. «Единый Россий» 33 процентат пеле йӱк дене кокымшо верыште улеш, Вара ЛДПР ден «Справедливый Россий», «Новые люди» верланеныт: 8 наре, 6-ытат пеле  да 6 процент. 
           Марий Элысе рӱдӧ сайлыме комиссийым вуйлатыше Ирина Татаринова сайлымаш кайыме жапыште пурышо вуйшиймаш-влак нерген ойлен. Республикысе ЦИК-ыш 50 вуйшиймашым пуымо. Нунын кокла гыч 50-же чыныш лектын огыл, молыжо тергымаште улеш. Иктыже шотышто избирком заседанийым эртарен. Икмыняр участкыште председатель- влакын айда-лийже койышыштлан кӧра бюллетень- влакым йӱклымӧ яшлык гыч сайф-пакетыш оптымо годым сигнальный йошкар тасмажым кӱрлын налме. А тидым ышташ ок лий,- каласен Татаринова. Тудын мутшо почеш, чыла сайфпакет- влак кӱртньӧ яшлыкыште аралатыныт, нуным печать дене петырыме да видеокамере ужмо верыш шындыме. Чыла тидыжым эскерыше- влак ончылно ыштыме.
             Фото: Марий Элын ЦИК-ше, "МариМедиа" увер агентстве.