Йошкар-Олаште калыклан социал полышым пуымо рӱдер почылтын
Йошкар-Олаште калыклан социал полышым пуымо рӱдер почылтын. Тудым почмо деч ончыч республикым вуйлатыше Александр Евстифеев миен. Рӱдерым капитально олмыктымо. Шуктымо пашан тичмаш да налме оборудованийын акышт шым миллионат 300 тӱжем теҥгеш шуын. Республикым вуйлатыше электрон черетын кузе пашам ыштымыжым, пӧлем- влакым ончен, пашам ыштыше- влак дене мутланен. Документым «Единый окна» режим дене налыт. Ондак калык йыҥгыртен кертын огыл. Кызыт единый номерым ыштыме да 35 оператор вашташташ тӱҥалыт. Нунат вашештен огыт шукто гын, йыҥгыр социал вияҥмаш министерствыш кая, министерствыш йыҥгыртен шуктымо огыл гын, йыҥгыр вигак министр деке толеш. Вуйлатыше палемден: социал тӧнежын паша графикше эн ончыч калыклан йӧнан лийшаш. Туштак калык температурым, давленийым висен, вӱрыштӧ кислородын мыняр улмыжым, кап нелытым, кӱкшытым терген кертеш. Олмыктымо паша эше тӱрыс мучашлалтын огыл. 30-шо сентябрь марте пашаеҥ- влакын пӧлемыштат олмыктен шукталтшаш улыт.
