Ик шагат тул деч посна шинчен кертат мо?

           Шуматкечын Йошкар-Олаште ик шагатлан пычкемыш лиеш. 26-шо мартыште элна мучко «Мландын шагатше» акций эрта. Тудо планетыште экологийым арален кодымашке виктаралтын. Тиде Тӱнямбал ир пӱртӱс фондын эртарыме ик эн кугу акций. Тушко ушнашлан 20 шагатат 30 минут гыч 21 шагатат 30 минут марте чыла электроприбор ден электротулым йӧрташ гына кӱлеш. «Мландын шагатше» онлайн- картыште 60. Ввф.ру порталыште шке олам але ялым палемдаш кӱлеш. Акций деч вара ола- влакым шотлен лектыт да кушто эн чолга еҥ- влак илымым рашемдат.