«Розыск» оперативно-профилактик мероприятий кышкарыште кок кечыште 23 еҥым кучымо
Марий Элыште «Розыск» оперативно-профилактик мероприятий кышкарыште кок кечыште 23 еҥым кучымо. Нуно дознаний орган, следствий да суд деч шылын коштыныт да федерал кычалмашке увертаралтыныт улмаш. Тыгай мероприятий- влак осал пашам ыштымылан титаклыме, титакан лийын кертме нерген шонымашым шочыктышо, Суд деч шылын коштшо, увер деч посна йомшо еҥым кычал мумо, колышо еҥын лӱмыштым пален налме пашам писештарен колташ манын эртаралтыт. Тыге увер деч посна йомшо 11 еҥын кушто улмыштым, федерал кычалмаште улшо ныл еҥым рашемдыме. Тыгак суд пристав- влак деч шылын коштшо парыман кок еҥым кычал мумо. Мероприятийым эртарымаште чылаже полицийын 200 утла пашаеҥже тыршен. Тыгак УФСИН ден УФССП-н сотрудникышт ушненыт.