Йошкар-Олан Почётан гражданже- влак иквереш погыненыт

Йошкар- Олан 435-ше шочмо кечыже вашеш олан историй тоштерыштыже Почётан граждан- влак дене вашлиймаш эртен. Пагалыме лӱмым олам вияҥдымашке, чапландарымашке  пыштыме надырлан пуат.  Нуно чыланат тӱрлӧ профессиян, тӱрлӧ ийготан, пӱрымашан улыт. Но чылаштымат профессийыштым  да шочмо кундемыштым йӧратымаш ушен шога. Тений тыгай чап лӱмым марий митрополийым вуйлатыше Иоаннлан пуымо. Вашлиймаш кажне гана поро шӱлыш дене эрта. Чыланат оҥай шарнымашым, ончыкылык нерген шонымашым ойлат. Уна- влак калыкын тоштерлан пӧлеклыме ӱзгар- влакым ончыктышо выставке дене палыме лийыныт. Тыгак архитектор, Почётан гражданин Павел Самсоновын 110 ияш лӱмгечыжлан ямдылыме выставкым онченыт. Погынышо- влаклан олан илышыштыже чолган участвоватлымылан тауштен ойленыт да 10-шо августышто Олан кечышкыже ӱжыныт.