Родо-тукым калыкын йочашт кид-мастарлыкым шуарат
12-шо август марте Калыкле президент школышто финн-угор самырык кидмастар- влакын фестивальышт эрта. Тудо «Самырык чуриян акрет йӱла- влак» социал проектын рӱдӧ мероприяийжылан шотлалтеш. Фестиваль самырык мастар- влаклан усталыкым да шкем вияҥдашлан йӧным ышташ манын эртаралтеш. Тушто калык кидпаша усталык ушемлаште шуаралтше- влак ден туныктышышт участвоватлат. Российысе 9 регион гыч- Марий Эл, Татарстан, Удмуртий, Мордовий, Карелий, Коми, Пермь край, Киров да Моско областьла гыч толыныт. 10-шо августышто нуно Олан кечыштыже участвоватлат.
