Яллаште илыше кугурак ийготан-влаклан полшаш машинам налме

Республикыштына «Кугурак тукым» калыкле проектын «Кугурак тукымын илышыжым саемдыме да полышым пуымо программым ямдылымаш» регионысо проект илышыш шыҥдаралтеш. Тудын мероприятийже- влак кугурак ийготан да инвалид- влаклан кужу жап полшымо системым ышташ да полышлан кӧра стационар эмлыме верлашке эмлаш  еҥ- влакым шагалрак колташ полшышаш. Кугурак ийготан- влакын таза жапыштым шуяш да тазалыкыштым пеҥгыдемдаш, ялыште илыше- влаклан медицина полышым налаш йӧнан лийже манын, тений 17 единице техникым: 8 Лада да 9 ГАЗ  машинам налме. Тыге, налме транспорт негызеш 17 мобильный бригада ышталтеш. Нуно 65 ияш деч кугурак ийготан еҥ- влакым медицина организацийлашке кондыштараш тӱналыт. Тиде сомыл тений нылымше квартал гыч тарвана. Таче районласе калыкым социально обслуживатлыше тӧнеж- влакым вуйлатыше- шамычлан республикым вуйлатыше Александр Евстифеев нине 17 машина деч сравочым кучыктен.