Ульяновск областьыште вольык чер шотышто лӱдыкшыдымылык да ял озанлык сатум йот эллашке колтымо нерген мутланеныт

Август тӱналтышыште Ульяновск областьыште Юл кундем округысо кундемлан кучем органыштын да Россельхознадзорын верласе виктемыштын еҥыштлан кок кечаш совещаний эртен. Тудым Россий ял озанлык министрын алмаштышыже эртарен. Мутланымаш Россий мучко вольык чер шотышто лӱдыкшыдымылык да ял озанлык сатум ыштен лукшо- влаклан продукцийым йот эллашке колташ полшымо нерген лийын. Марий Эл деч тушто ял озанлык министр Александр Гречихо ден республикысе ветеринарий комитетым вуйлатышын сомылжым шуктышо, тӱҥ кугыжаныш ветеринар врач Валентина Вавилова лийыныт. Совещанийыште электрон ветеринар сертификацийым шыҥдарыме, кугыжаныш ветеринар службын материально технический базыжым вияҥдыме йодыш-влакым каҥашыме.