Волжск олаш 800 пластик контейнерым кондат
Тений идалык тӱҥалтыш гыч пеҥгыде шӱк-куштыра дене пашам ыштыме реформа илышыш шыҥдаралтеш. Паша ушнен толеш гынат, ситыдымаш- влакат улыт. Теве Волжск олаште пластик контейнерым кондымо шотышто регионысо оператор дене шукертсек мутланымаш шуйнен. Теве ынде тиде кечылаште Волжск олаш 800 контейнерым кондышаш да оласе чыла площадкыш вераҥдышаш улыт. Нунын леведышышт уло. Сандене шӱкшакым мардеж шалаташ ок тӱҥал, кумдык ару лийшаш.
