Йӱштӧ ресайклинг. Мо тиде тыгай?
«Лӱдыкшыдымӧ да сай качестван автомобиль корно- влак» калыкле проектым шыҥдарымылан кӧра, Йошкар-Ола-Санчурск корнын Люльпан ден Нужъял кокласе ужашыжым олмыктымо паша рӱж кая. Тушто у технологийым кучылтын пашам шуктат. Тудым йӱштӧ ресайклинг маныт. Тидын годым тошто корно полотномак тыгыдемден кучылтыт, лӱмын ямдылыме ешартышым ушат да у корным ыштат. Чыла сомыл верыштак шукталтеш, шагалрак машина кучылталтеш. Тошто материалым ырыктыде кучылтыт. Асфальт ӱмбалым пӱчкын налмек, шелше- влак огыт лий. Пӱчкын налме асфальтым полигоныш наҥгаяш да пытараш ок кӱл. Тыгай йӧным тиде корнын моло ужашыштыжат, Кокшайск-Красногорский, Йошкар-Ола-Уржум, Шернур-Казанский-Кукнур, Морко-Уньжинский, Звенигово-Шолеҥер-Морко корнылаштат кучылташ палемдыме.
