Фонтан- влак уэш «ылыжыныт»

ВДВ кече вашеш Йошкар- Олаште уэш фонтан-влак чӱкталтыныт. Оласе службо- влак тылзе мучко шым фонтаныште сӧрастарыме плиткым вашталтеныт, эрыктен, олмыктеныт. Ынде оласе калыкым уэш куандарат. Фонтан- влакым «Водоканал» предприятий обслуживатла. Тудо уремысе 11 фонтанлан мутым куча. Кажне арня еда фонтан- влакым ик жаплан чарен шогалтат да вӱдшым йоктарен, лавыра да шӱкшак деч эрыктат. Эн кугу чашан фонтанлан «Архангел Гавриил» шотлалтеш. Тушко 319 кубометр вӱд пура. А эн изилан Чавайн бульвар ден Вознесенский урем ушнымаште верланыше фонтаным шотлат. Тушко улыжат 4 кубометр вӱд гына пура.