Пӱртӱс поянлык министерстве шуктышаш пашам рашемден

Республикысе пӱртӱс поянлык министерстве тенийсе икымше пелийыште ыштыме пашажым иктешлен да ончыкылык пашам рашемден. Заседанийыште правительстве председательын икымше алмаштышыже Сергей Сметанин лийын. Погынымашым пӱртӱс  поянлык министр Алексей Киселёв вӱден. Сергей Сметанин палемден: кучем ден республикысе калык коклаште вашкыл кӱлеш. Еҥ-влак министерствын шуктымо пашажым пален шогышаш улыт. Пӱртӱс поянлык ончылно шогышо задаче-влак коклаште «Чодыра озанлыкым вияҥдымаш» Российысе кугыжаныш программе кышкарыште «2013-шо- 2025-ше ийлаште пӱртӱс поянлыкым кучылтмаш да пойдарымаш, йырым- йырысе средам аралымаш» регионысо программе шотлалтеш. Министерстве тыгак «Чодырам аралымаш», «Ойыртемалтше вӱд объект- влакым аралымаш», «Пеҥгыде шӱк-куштыра дене пашам ыштымаш», «Ару эл» регионысо проект- влак дене пашам ыштышаш.