Кугыжаныш виктемын Изи академийжым 17 еҥ тунем лектын

Юл кундем округышто президентын полномочный представительжын полышкалышыже Алексей Симонов  Кугыжаныш виктемын Изи академийжым тунем пытарыше- влаклан дипломым торжественно кучыктымаште лийын. 17 ӱдыр ден рвезылан тиде диплом ямдылыме вуйлатыше-влакын кадр резервыштышт улмыштым ончыкта. Нуно кок ий тыршен шинчымашым нӧлтеныт. 8 выпускникше уже паша верым кучем да верысе самоуправлений органлаште муын, молыжо вузышто умбакыже тунемыт. Полдпред Игорь Комаровын кӱштымыж почеш, нуным Алексей Симонов саламлен. Ушештарена: кугыжаныш виктемын Изи академийже 2009-ше ий гыч пашам ышта. Тушто 233 ончыкылык вуйлатыше тунем лектын.