«Ний оптыш» деч кораҥаш кӱлеш

Марий Элыште «Шкендым ондалаш ит пу» кугу профилактике акций тӱҥалын. Полиций пашаеҥ- влак тӱрлӧ ола да районла гыч Общественный советын еҥышт дене пырля профилактике мероприятий- влакым эртарат. Тудын тӱҥ цельже- калыкым кумдан шарлыше ондалкалымаш- влак дене палдарымаш. Август мучко нуно 60 утла предприятий ден организацийлаш мийышаш улыт. Эн ончыч  палыме  гипермаркетыш миеныт. Тушто тыршыше- влак дене вашлиймаште тӱткӧ лияш кӱлмӧ да «ний оптыш» деч кораҥаш кӱлеш манын ойленыт. Шомакым тӱрлӧ пример дене пеҥгыдемденыт. Погынышо- влак ятыр йодышым пуэденыт да вашмутым налыныт.