Козьмодемьянскыште ола да республике кӱкшытан спорт таҥасымашым эртараш йӧным ыштыме
Козьмодемьянск оласе Юбилейный стадионышто шуко функциян площадкым ыштыме. Верысе калык тушто телым хоккей дене, кеҥежым баскетбол дене модын кертеш. Стадионым правительствын да спорт-туризм министерствын полшымыж дене майыште олмыкташ тӱналме. Тушто у асфальтым шарыме, саварым ыштыме, хоккей оборудованийым, баскетбол оҥгым вераҥдыме, тошткалтышым уэмдыме. Объектын икымше ужашыжым чоҥаш кум миллион теҥгем ойырымо ыле. Ынде тушто оласе да республикысе тӱрлӧ спорт мероприятийым эртараш йӧн лийын.
