ВИЧ-лан тестым эрте!

Российысе тазалыкаралтыш министерстве Горькийысе автомобиль завод дене пырля «ВИЧ-ым пален налме шотышто экспедиций» лӱман акцийым эртарат. Марий Эл акцийын эртыме 15-ше регион лийын.  Мероприятийын цельже- СПИД йодыш дене калыкым палдарымаш да ВИЧ-лан тестым эрташ кумылаҥдымаш. Тестын мобильный пунктшо- влак Российысе 40 регионысо 191 ола гоч эртат. Таче гыч 9-ше август марте тестирований Йошкар-Олаште, Волжскышто, Козьмодемьянскыште, Медведевыште да Звениговышто эрта. Мобильный пункт- влак рӱдӧ площадьлаште, паркыште, ужалкалыме рӱдер воктене чарнат. Еҥ- влак лӱмым ончыктыде, 15 минут жапыште тестым эртен кертыт. Акций 9-ше августышто 11 гыч 12 шагат марте Республикысе Курчак театрыште мучашлалтеш. Таче 12 гыч 18 шагат марте Волжск олаште, эрла Козьмодемьянскыште «Потенциал» завод воктене, Медведевыште да Звениговышто администраций ончылно машина шогаш тӱналеш. 8-ше августышто Йошкар-Олаште рӱдӧ паркыш пурымаште тестым эрташ лиеш.