Йошкар- Ола шочмо кечыжым пайремлаш ямдылалтеш
Шуматкечын рӱдӧ оланам да уна- влакым кугу пайрем вуча. Тиде кечын 18 пайрем площадке калыкым вуча. 11 шагатлан костюмым чиен, уремла дене ошкылмаш тӱналеш. 12 шагатлан пайремым почмаш, концерт- влак лийыт. Чавайн бульварыште, Никонов лӱмеш площадьыште, Сеҥымашын 30-шо идалыкше лӱмеш тӱвыра полат ончылно, Чарла кремльыште, Ленин лӱмеш тӱвыра полат ончылно, Сеҥымаш паркыште, Россий Армийын тӱвыра полатыштыже, Йошкар-Олан историй тоштерыштыже, Курчак театр ончылно, Сеҥымаш бульварыште, Патриарший площадьыште кажныже шкаланже келшыше мероприятийым ойырен налын кертеш. Йошкар-Олан 435-ше ночмо кечыже 22 шагатлан мотор тулсавыш дене мучашлалтеш.
